放大假放到懶洋洋, 竟然俾小J 一腳伸來踢醒左 !!

遊戲如下：請回答以下關於錢的問題，完成後邀請三至五位 blog 友仔參加，順道去 blog 友仔留言，告訴 blog 友仔，自己已被點名了。

1. 你是窮光蛋嗎？

由大學畢業一刻開始, 係!

都唔明點解大學既學費要咁貴! 尤其我地呢D "高不成, 低不就" 既後生仔女, 搵$$ 又唔係多, 還幾年學費, 同埋俾家用都冇晒啦

仲有就好似靚佬Lin 咁, 身體出現嚴重毛病, 屁股經常痕癢, 要靠 "另類治療" (shopping ) 去醫治, 搞不好要窮一生既治療先好得番.. 唉..

2. 請形容一下你這一生的財運。

天生沒有橫財運, 所以年中買六合彩同 "過大海" 既洗費都比其他人節省唔少 ..

正財運嘛.. 叫做有份工, 正正常常咁啦, 不過如果黎緊公司裁人的話.. 冇眼睇

3. 如果要用你的身家買一樣東西, 你買得起什麼？

咩都買唔到!! 學費都未交完, 買乜鬼!!

4. 沒有提款卡的情況下，你只有HK$20，你會怎麼辦？

番去最安全既地方 - 屋企!

再唔係.. 打俾肥仔求救囉

5. 你平時大概會帶多少CASH？

都係 $200 左右; 其實唔需要咁多啦, 有 EPS 架嘛

6. 現在經濟環境這樣，你會在那一方面減少消費？

Happy hour 同Shopping!! 呢種令人又愛又恨既玩意, 在不知不覺間就會俾佢食晒D $$ !!

7. 你在誰身上花得最多錢？？

自己, 學費, 同家用

8. 你是那種刷爆卡的人嗎？

曾幾何時係!! 依家仲俾佢既 "餘波"影響中 ..

見過鬼仲唔怕黑咩.. 依家cut鬼晒喇, 唔好再搞我!!

9. 有什麼東西會讓你毫不猶豫買下來？

乜都有喎 ..  白羊座出名做事快而狠, 點會猶豫呢

10. 最後，講講你對錢的價值觀 / 錢對你的重要性。

同空氣一樣, 要生存, 就一定要有錢!!

今次唔踢人啦, 喜歡的請自 tag啦 ^^